3000 supporter o deus degemeret François Hollande dec'h e fin an devezh, er Penfeld 'ba Brest. Kroget 'neus kababer ar PS e diviz gant ur "Bloavezh mat" d'an holl met goude n'eo ket aet gwall bell war an temoù a denn d'ar rannvroioù, pe 'vefe an digreizennañ, pe 'vefe ar yezh. Kontañ a ra memestra war ar Vretoneg evit lakaat anezhañ e penn ar votadeg d'ar 6 a viz Mae. Warnomp ha war tud al Limousin, e vro. Pouezhet en deus war daou sujed a zo talvoudus e bro Brest : hini an difenn goude e weladenn war al lestr-spluj "Le Triomphant" staliet 'ba Lanveog ; hag hini an energiezhioù nevez o tont eus nerzh ar mor diorrenet kalz e Brest. Franciane, Chan, Yann, Yannig oa er sal ar Penfeld. Laret o deus da Anne Gouerou perak oant deuet ha penoas o doa degemeret e brezegenn.