Filmoù e brezhoneg 'vit ar vugale 'ba Pondi
E Pondi oa an droiad tresadennoù bev e brezhoneg get Dizale ha Daoulagad Breizh ar mitin-mañ. Er sinema Rex e oa bet pedet tro dro 90 krouedur daet ag ar skolioù diwyezheg er c'hornad. "Ernest ha Célestine" oa evit ar re vraz ha "Beaj vat Dimitri" evit ar re yaouankoc'h. Berzh a ra an droiad, savet evit an 13vet gwezh ar blez-mañ. Àrlané e oa bet ouzhpenn 10 000 skoliad é sellet doc'h ar filmoù. Un eil troiad a vez kinniget bremañ d'ar skolioù. David Huilizen, é karg ag an droiad e ti Dizale deus kontet pelloc'h da Yaelle ar Mouel.
