An c'hoari-se a zo bet roet lañs dezhoñ get Frans 3 Breizh evit lakaat ar sonenn "Bro Gozh ma zadoù" àr-wel. Laret e vez emañ ar sonenn kan broadel Breizh. Savet eo diàr "Hen Wlad Fy Nhadau" kan broadel Bro Gembre. An ton zo ar mem hani hag ar pozioù oa bet kempennet e brezhoneg get François Jaffrénou e 1898. Digor eo an defi d'an holl dud. Ret eo sevel ur video en ur soniñ ar bro gozh ne vern peseurt mod. Gozik hanterkant video a zo bet lakaet en linenn dija. En o mesk kani Kaelig, ur ganerez yaouank a vro Langonnet. Emañ doc'h mikro Yaelle ar Mouel.