Gant tost 25% eus ar mouezhioù e Frans en em gav an FN 'ba plas kentañ an dilennadegoù 'vit anveout kannaded Europa. Dirak an UMP (20%) ha pell dirak ar PS 'zo erru en trede plas gant tost 14% hepken. Ur c'hrenn-douar 'ba bed politik 'ba Frañs. Ar wech kentañ eo em gav strollad Marine Le Pen dirak ar strolladoù 'vez renet ganto Republik Bro-C'hall abaoe 40 vloaz. 'Ba Parlamant Europa 'vo 24 kannad eus an FN, ur strollad n'emañ ket a-du gant mennozh an Europa. Stad Bro-C'hall eo 'ni nemeti 'lec'h 'zo lakaet ur strollad eus an tu dehou pellañ e plas kentañ da geñver an dilennadegoù 'oa dec'h. Ur sapre taol eo evit ar gouarnamant hag evit ar PS, un nebeut sizhunvezhioù goude an dilennadegoù kêr 'oa kollet ganto c'hoazh. Selaouomp soñj Jean-Luc Bleunven, kannad Brest diwar-ar-maez 'zo gant ar PS 'ba Parlamant Bro-C'hall. Gant Erwan Blanchard.