Disadorn dremenet eo loc'het ar Redadeg 2014 war an ton bras deus Montroulez. A-dreuz hentoù bras ha bihan ar vro e redo un toullad tud evit ar brezhoneg 'n ur ober 1500 kilometr noz ha deiz evit tizhout Groñwel 'benn disadorn kentañ. Evit ar pevare Redadeg eo aozet-mat ar skipailh a ver ar jeu, o tapout skiant-prenet bep eil bloaz. Selaouomp Christian Le Mener, perzh e skipailh-aozañ Montroulez ha Jean-Luc Bleuven, dilennad e Penn ar Bed, deuet 'vit loc'hañ ar Redadeg. Selaouomp o soñj just a-raok ma zafe ar rederien ganti. Emaint ouzh mikro Katell Uguen.