Krouet 'zo bet ur skritell gant ar re yaouank 'zo ezel ar "Front National". O prientiñ an dilennadegoù prezidant 'vo ar bloaz o tont emaint. An FN 'n eus dibabet lakaat div foto kichen ha kichen. Deus an tu, e weler ur bank gant ar paourkaez treul (pe sklanker), ha tro-kein anezhañ, tud yaouank deus ar bannlevioù o lakaat tan 'barzh ar savadurioù HLM. Deus an tu all, e weler ur foto all : ur bank en-dro, gant ur c'houblad yaouank azevet warnañ hag a-dreñv anezho, marc'had ur vourc'h trañkil. Pezh 'zo, n'eo ket forzh peseurt marc'had. Hini Enez Tudi eo, er vro Vigoudenn. Ti Henriette Canevet 'zo war ar skritell-se. Kontet 'n eus da Anne Gouerou he soñjoù war bruderezh an FN.