Danielle Mitterrand zo aet d'an anaon dec'h. Gwreg gozh Fañch Mitt oa anavezet muioc'h evit he stourm evit gwirioù ha frankiz a re baour er bed a-bezh eget evit bezañ bet "itron gentañ ar Republik" 'pad 14 bloaz. Unan eus stourm pouezhusañ Danielle Mitterrand 'zo bet hini an dour. An dour evit an holl, an dour mad an holl, ha n'eo ket ur produiñ evit ober gounidoù. E miz Gwengolo 2010 'oa deuet prezidantez ar "Fondation France Libertés" betek Kemper evit sikour ar re a stourme evit ma 'vefe meret an dour gant servijoù an ti-kêr ha pas gant Veolia. Youenn Henry, prezidant ar CAREPA, oa e touez ar re 'noa pedet 'nezhi da zont betek Kemper.