Nevez 'zo 'zo roet ur "steredenn Michelin" da restaorant La Butte 'ba Plouider, kichen Lesneven. Ar wech kentañ eo c'hoarvez un darvoud giz-se gant ar stal 'oa kroet 62 vloaz 'zo gant Jeanne-Yvonne Becam, mamm-gozh Solenn Canroux. Priziet eo labour he gwaz Nicolas 'zo keginer. Divizet 'neus diazezañ e veuzioù war broduioù a dalvoudegezh ha gounezet 'bar vro. E-touez ar broduerien a labour gantañ emañ Mark Pavgamm, produer legumaj Bio 'ba Lanhouarne, nepell eus Plouider. Laouen eo hemañ gant ar priz roet da La Butte, setu 'pezh 'neus displeget da Herve ar Beg, eus Arvorig FM.