Teir listennad a zo bet savet evit an dilennadegoù e kumun ar Faoued er Morbihan. Kazi 3000 a dud a zo o vevañ er gêr a vro Gerne, 'lec'h m'eo brudet ar c'hoc'hu da skouer, pe c'hoazh chapel Santez Barba. 25 bloaz eo Servane Le Ny hag a-viskoazh eo bet engouestlet e-barzh buhez he c'hêr genidik. Kement-mañ n'eus kaset anezhi da vont war ar renk evit an dilennadegoù-kêr, asambles gant al listenn "Gwerediñ ha bevañ a-gevret". Pal ar strollad war ar renk eo stabilizañ kontoù ar Faoued ha diorren ar servijoù yerc'hed ha sokial koulz ha buhez kevredigezhel ar gumun. Selaoump Servane Le Ny, emañ ouzh mikro Katell Uguen.