Festival rok an Hivernautes a zo kroget dilun e Kemper evit ar bevarzekvet abadenn. Betek disadorn e vo sonadegoù met ivez filmoù ha diskouezadegoù. Estreget ar strolladoù bras a ra berzh gant ar sonerezh a-vremañ e vez roet plas d'ar strolladoù lec'hel. I'm Takt pe c'hoazh The Red Goes Black a vo da zizoloiñ e c'hoariva Max Jacob hag ul leurenn web TV a zo staliet e Ti ar Vro. Ar c'haner Brieg Gerveno a vo war al leurenn emberr neuze, un nevezenti en Hivernautes 'lec'h ma 'vez ral klevet brezhoneg. Goulenataet 'm eus Brieg Guerveno bremaik, selaouomp e soñj.