Teir redadeg a vo da heuliañ war droiad ar Mingam e Lanarvili 'benn disul. 'Giz bep bloaz 'vez aozet ar cyclo-cross etrebroadel 'b ar barrez vihan a zo e kichen Lesneven. Kampionidi a zeuio da Vro-Leon 'vel just. Da gentañ, ar gourserien a zo bet kampioned Bro-C'hall disul dremenet 'ba Lignières: Francis Mourey 'vit ar re seniors elite. Met ivez daou vreton a zo deuet en-dro eus kreiz Bro-C'hall gant ar roched glas-gwenn ha ruz: Mickael Crispin eus Milizag e rummad cadets hag Emeline Gautier eus an Henbont e rummad juniors. Ret eo prientiñ mat an dachenn evit degemer ar rederien hag ar supporterien. Abaoe un nebeut devezhioù 'zo bec'h tro dro da draonienn ar Mingam: staliet eo ar pikidi da lakaat ar c'herdin ha sevel an droiad. Mont mat 'ra an traoù kostez Lanarvili, neuze. Setu 'pezh 'neus kontet Pierrot Tangi, unan eus an aozerien da Erwan Blanchard.