Ar strollad eus an tu dehou pellañ, an AFD, en deus serret 20% eus ar mouezhiou

Dilennadegoù parlamantel a-bouez zo bet dec’h en Alamagn, a-bouez ivez evit dazont politikerezh Europa, ken pouezhus eo ar vro en Unvaniezh. Trec’h eo an tu-dehoù, gant 28 % eus ar votoù zo aet gant ar CDU-CSU. En eil plas, eo en em gavet an tu-dehoù pellañ faskour AFD, gant 20 %... kazi div wech muioc’h evit an dregantad noa tizhet en dilennadegoù diwezhañ. Fall eo ar jeu eus tu Olaf Sholz hag e strollad tu kreiz SPD, neus digresket kalzig, gant 16 % hepken. Pas pell neuze eus strollad ar re c’halz, neus dastumet 12 % eus ar mouezhioù. Hag ur souezhadenn memes tra : ouzhpenn an tu dehoù pellañ ‘zo aet war gresk : strollad an tu kleiz Die Linke neus graet berzh da geñver an dilennadegoù paseet, gant 9 %. Strollad muiañ karet ar re yaouankañ eo deuet da vezañ en Alamagn, hag e linenn bolitikel a oa sklaer : enep-krenn ar faskourien. Kar, gwir eo, gant an AFD emañ o tistreiñ mennozioù faskour ha neo-nazi da vezañ dasparzhet er vro. Hiroc’h gant Gwenvael Delanoe Ar Berr.

Konto brezh'neg a oa bet graet dec'h 'ba Mel-Pistien!

Dec’h, e Mael-Pestivien, ‘zo bet toullet kaoz en brezhoneg ba’n ostaleri kreiz ar vourk. Ha leun oa ar sal ! Evit ar wech kentañ e vije aozet un arbardevezh da vodañ tud ar vro ouzh taol da gaozeal sames en o yezh, pe vefent bet soubet barzh pa oaint yaouank pe vefent c’hoazh o teskiñ. Evel Lena ha Jean, ‘zo o chom en Mael Pestivien. Met da gentañ vo klevet Fañch, ‘zo deuet a-ratoz kaer eus St-Ijo... Ur reportaj gant Gwenvael Delanoe ar Berr.

Da glevout ouzhpenn 'bar c'heleier:

• Roet eo lañs da brosez ar pedophil Joel Le Scouarneg hudu

• Tri bloaz zo 'oa komañset ar brezel gant Russia ouzh Ukrena

• Gouarnamant Izrael en deus nac'haet dieubiñ 600 prizoniad Palestinian

• N'emañ ket an holl a-du a vo digresket nerzh gouleier tour-tan ar C'hreac'h 'ba Enez-Eusa

• Kampionezed Frañs Atleterezh en diabarzh eo Agathe Gwilhamot (1500 m) ha Clara Liberman (800 m) eus kleub HBA Roazhon

• Badminton Top 12: Strasbourg-Rostren: 4-4

• Rugbi Top 14: trec'h eo bet RC Gwened un trede gwech eus renk. Gwened-Montpellier: 37-24