E-kerzh ar week-end mañ 'oa filmet ar pezh c'hoari "Toull ar bleiz" c'hoariet gant Strollad Ar Vro Bagan. Toull ar bleiz 'zo ur vojenn skrivet gant Yeun ar Gow. Gant Ti Embann ar Skolioù ha Dizale 'oa kaset al labour da benn gant ar pal sevel un DVD pedagogel. Goulc'han Kervella, rener Strollad Ar Vro Bagan, 'noa kinniget ar raktres da dud TES. 'Benn an distro-skol 2014 'vo prest an DVD. Ingalet 'vo 'ban holl skolioù lec'h 'vez desket brezhoneg met ivez 'bar stalioù koñvers. Neuze 'ba 'ti ar Vro Bagan 'ba Plougerne 'oa bodet daou aktour, daou soner ha triwec'h dañsour. Selaouomp displegadennoù Kristof Nikolaz, rener TES. Gant Erwan Blanchard.