E Plougernevel zo bet lazhet div zañvadez hag ur vidiezh e miz Du... ha n'eo ket dibosupl e vefent bet lazhet gant ur bleiz hervez Ofis gall ar vevliesseurted. Kristen Bodros a zo saver dañvadezed e Landebaeron. Labourat a ra eñ gant chas Patou da zifenn e rummad loened deus ar chas gouez ha deus al lern. Mez evitañ eo ar bleizi un dra all c'hoazh...Emañ deus mikro Tunvezh Gwlagen-Grandjean.

Lakaet eo e pleustr al lezenn Agec abaoe penn kentañ ar miz, ul lezenn a-enep ar foraniñ boued...Adalek bremañ eo rediet an holl ensavadurioù lec’hel da ginnig un hentenn 'vit adaozañ ar biolastezh : restajoù boued pep hini, ar restaorantoù ha re an uzinoù da fardañ boued. Pe c'hoazh an delioù hag al letonenn bet troc’het. Maïna Karval zo e karg da lakaat e pleustr al lezenn nevez e Meurgêr Brest.

Amañ e c'haller selaou ar reportajoù

Ha da glevout ivez er c'heleier :

- Embannadennoù Gabriel Attal

- Stanket e vo an hentoù gant al labourerien-douar e Breizh hiziv c'hoazh

- Nac'het zo bet gant ar Parlamant Spagnol an amnistia evit an dizalc'hourien Katalan

- Ur poent war ar brezel Israelo-Palestinad

Keleier kinniget gant Metig Jakez-Vargas