E-kerzh ar pempzektez diwezhañ eo pemp mil den ha tregont 'zo bet diskleriet tapet get ar virus. Hag e-korv nebeutoc'h ag ur blez eo tost 200 000 diwar bemp milion a Iwerzhoniz a zo bet tapet get ar c'hovid. Redek 'ra buanoc'h ar c'hleñved abaoe penn kentañ miz Genver. Diwar se eo bac'het annezidi an enezenn 'vit an deirvet djwezh. Dimeurzh 'neus embannet ministr kentañ ar Republik eo astennet ar prantad bac'hañ beteg ar 5 a viz Meurzh. Adal bremañ 'rankay ar veajourien a zegouezhay da vro-Iwerzhon doujiñ doc'h reolennoù nevez evel bout rediet chom en dispell araok gellout mont ha dont dre an enezenn. Neoazh, e-raog an hañv 'oa ket bet paket kement se Iwerzhon get red ar c'hleñved. Morwena Denez 'zo o chom e kontelezh Galway, e-tal Conemara. Displeget he deus da Erwan Blanchard penaos eo aet buan àr greskiñ red ar c'hovid er vro se.