D'an c'hwec'h àrn-ugent a viz Gourhelen e vez inouret Santez Anna. Hiziv èl bep blez eo daet ur bochad tud da berhinded Santez Anna Gwened. E penn an overenn-bred hag a oa da unnek eur e oa an aotrou Le Gall, arc'heskob Toulouse. Koursoc'h da vitin, da nav eur e oa an overenn e brezhoneg e chapel ar c'hloastr a-drenv an iliz-veur. Lâret eo bet get an aotrou Kado, person Pondi. Jean-Jacques ar Floc'h a zo prezidant ar gevredigezh Santez Anna Gwened, kemeret neus perzh en aoziñ. Ar wezh ketañ oa da Phillipe, a Vrest donet d'ar pardon. Ur reportaj get Yaëlle ar Mouel. Fotoioù : e-pad ar prehesion (tennet get Yaëlle ar Mouel)