Laurent Guillou ha Stéphane Rouxel a oa implijet e ti Nutréa-Triskalia e Plouizi. Ar mitin-mañ e oa galvet an daou zen da ziwhenn o stad dirak barnerion ar Prud'hommes en Oriant. a-c'houde 6 vlez 'zo emaint é stourmiñ evit ma vo anavet o c'hlenved èl klenved ar labour. E 2009 ha 2010 e oant bet kontamnet get produioù kimiek-tre oa bet ret dezhe strewiñ àr ar boued vez roet d'ar loened. Dre-se o deus tapet ar c'hlenved « hypersensibilité » d'ar produioù-se, pezh o lakaa dic'houest da labourat hiziv an deiz ha skarzhet e oant bet ag o labour. Mes nac'h a ra Triskalia bout kablus en afer-se. Ar mitin-mañ e oa galvet an dud d'en em vodiñ dirak an tribunal da harpiñ an daou zen. Jean-Pol Runigo a oa e mesk an daou-ugent a dud. Hiroc'h e lar deomp doc'h mikro Yaelle ar Mouel.