Kuzulierion-kêr Baod deus nac'het he degemer àr ar gumun. Seblant a ra kuzulierion parrez Pluniav intereset bras geti. Eno e vehe teir zachenn gouest da zegemer tri zour-avel pep hani hrevez ur studiadenn. N'eo ket evit plijiñ d'an oll. Disadorn oa un ugent bennak a dud é vanifestiñ dirak an ti-kêr e-pad ma oa dalc'het un emvod etre an dilennidi. Marie zo é chom e pennhêr (keriadenn) Kerguzh. Tourioù avel vehe staliet 600 metrad ag he zi. Get pemp kant den deus sinet ur petision evit monet a-enep. Displeg a ra deomp perak doh mikro Yaëlle ar Mouel.