Bonedoù ruz e prefeti Kemper.
Ur strollad a bemzek bennak a dud, lod gwisket ganto bep a voned ruz, a oa bodet e prefeti Kemper ar mintin-mañ. Goude bezañ tanet un nebeut pneuioù dirak ar savadur int aet e-barzh gant ar pal en em gavout gant ar prefed. Goulenn a raent titouroù war stad implijidi ar stal Marine Harvest. Skarzhet eo bet ar vanifestaterien ha Mathieu Guillemot, unan eus ar mouezhioù-aotreet a zo bet kaset d'an archerdi. Katell Uguen a oa war blas. Dastumet he deus soñj Jean-Pierre Le Neun, labourer-douar e Kreiz Breizh.
