setu pezh o deus lâret lod peizanted, izili ar Gab hag ar C'honfederation Paysanne ag Aodoù an Arvor hag ar Morbihan. Bet e oant digwener da embann o soñj d'ar gomiserion zo é karg ag an enklask publik fed ag ar chenjamantoù vo er Sage. Digwener just a-walc'h e oa an deiz dewezhañ evit an dud da reiñ o ali. A-benn ur miz e ray ar gomiserion o danevell d'ar prefed a yay a-du pe get, get ar sage a vero ar Blanwezh 'benn ar bleadoù da zonet. « Posubl eo gwarantiñ an dour ha labourat en ur feson dalc'hapl » eme ar beizanted. En o mesk Gilles Auffret, desaver saout-laezh bio e Klegereg ha perzh er Gab Morbihan.