A-c'houde tost ugent vlez eh eus ag ar raktres-mañ evit ma vo doujet gwell doc'h an en-dro er lec'h dibar-mañ. Hiziv an deiz eo douget an traoù get ar SIAGM, David Lappartient, maer Sarzhav en e benn. Monet a ra àr-raok. 'benn an hañv e c'hellehe bout studiet get ar CNPN, kuzul broadel gwarantiñ an en-dro. Ar blez-mañ, razh ar parrezioù zo er raktres park o deus roet o ali evit pe enep ma vo savet ur park rannvroel. Pevar-ugent dregant ag an dud o deus lâret ya d'ar park. Bouezhet eo bet get ar c'humunioù neuze hag an tolpadoù-kerioù iwez. Un ali ya zo bet roet get dilennidi kuzul-meur ar Morbihan iwez e-korv an emvod dewezhañ. Andre Gall, kuzulier kanton gwened kuzh heol a zo laouen get an deviz-mañ.