AS Monaco 'oa degemeret gant War Raok Gwengamp disadorn noz da geñver kampionad Frañs melldroad Ligue 1. 15 000 supporter 'oa deuet da galonekaat ar re ruz ha du 'ba Roudourou. Klub Monaco 'zo unan eus ar re wellañ 'ba kampionad Frañs ar bloaz mañ: tutet 'noant c'hoarierien barrek tre e penn kentañ ar bloaz : ar planter Falcao, c'hoarierien 'zo kreiz an dachenn giz ar breton Toulalan, ar c'holombian James Rodriguez pe c'hoazh Abidal, difenner skipailh Frañs. Se 'zo kaoz 'ranker diwall mat pa c'hoarier a-enep skipailhoù ken uhel o live& met c'hwitet gant Gwengamp penn kentañ ar c'hrogad. Klevet 'vo Anne ha Yann o reiñ o soñj diwar benn an arvest met da gentañ Kristian, ur supporter eus Boulvriag 'oa gant Erwan Blanchard e-kerzh an ehan c'hoari.