'Benn disadorn kentañ 'vo aozet ur vanifestadeg a-enep d'ar raktresoù bras spontus didalvez rediet (GPII: Grands Projets Inutiles Imposés) 'ba Brest. Ur vanifestadeg 'vo da geñver un devezh a dalv 'vit Europa a-bezh ha kinniget gant strolladoù ha kevredigezhioù 'zo 'ba Penn-ar-Bed: Komite souten Kernitron al lann, Gaspare (kreizenn d'ober tredan gant gaz), "Le collectif pour la sauvegarde de la vallée du Restic", 'ba Brest; ar stroll "Stop Lanrinou" 'zo 'ba Landerne, Stroll Tachenn labour-douar da derc'hel" 'ba Daoulaz ha kement 'zo. Hervezo 'zo kinniget raktresoù bras 'zo gant ar bolitikourien 'vefe 'vit interest an holl dud 'bar gevredigezh. Pezh 'ne soñj tud giz Lena Katalan 'zo 'ba komite souten Kernitron al lann 'ba Brest.