A-c'houde nandek kant pemzek ha pevar-ugent emañ staliet an ecopole meret get Suez-en-dro Sita e parrez Gweltaz. Meur a venveg zo bet savet a-hed ar bleadoù èl an TMB, ur seurt korzenn vras lec'h ma vez lakaet ar lousteri. Tennet e vez an danvez organik a yay d'ober kompost hag an houarnaj a ya da vout adimplijet. Pe an uzin nevez d'ober tredan zo produet dre ar gaz a vez é achap kuit ag ar bernad lousteri n'heller ket talvoudekaat ken. Ur megawatt bep eur vez produet ha kaset àr ar rouedad tredan. Didier Mercier a laboura en ecopole. Displeg a ra deomp hiroc'h doh mikro Yaëlle ar Mouel.