Gervel 'ra ar Bonedoù ruz da vont da vanifestiñ 'ba Karaez 'benn arc'hoazh. War dachenn gKerampuilh 'vo aozet ul lodenn vras eus an devezh: koñsertoù, prezegennoù met un dibunadeg e kreiz kêr Karaez ivez. Penn kentañ ar miz mañ 'oa etre 15 000 ha 30 000 e Kemper 'vit ar vanifestadeg kentañ. Ur sapre taol 'vefe eurus an aozerien d'ober en-dro 'vit lakaat war wel o soñj war stad ekonomikel ha politikel Breizh an deiz a hiriv. Andre Lavanant a zo ur boned ruz. Lavarout ' ra deomp perak ranker, hervezañ, mont da Garaez 'benn archoazh. Ur pennad-kaoz gant Erwan BLanchard. Gilles Servat, Gwennyn, Plantec, ar Vreudeur Morvan, Dom Duff, Olavh ha kement 'zo 'o war leurenn gKerampuilh 'benn arc'hoaz etre 12e30 ha 8e noz.