Hiziv e vo barnet e Brest prezidant departamant Penn-ar-Bed, Mael de Calan, ha rener servijoù an an RSA en departamant evit « harellerezh melestradurel ». Kaset int bet dirak al lez-varn gant ar CGT ha c'hwec'h den a reseve an RSA. Re a wask a vez laket war an dud vresk herveze. Maelenn Bernard a resev an RSA en departamant, a-brantadoù, abaoe eizh bloaz. Santet he deus e oa strishaet politikerezh an departamant hag e oa graet ar c'hontroloù RSA mod nevez evit lakaat an dud diaes.

Maelenn Bernard a oa bet aterset gant Metig Jakez-Vargas. Ar C'honfédération paysanne he deus divizet bezañ kevrenn keodedenn (partie civile), er prosez-mañ ivez. Gervel a ra ar sindikad d'en em vodañ dirak lez-varn Brest da greisteiz evit souten ar re o deus douget klemm. Kalz labourerien-douar a resev an RSA a zo lakaet diaes gant politikerezh an departamant ivez herveze.