Aet e oa Charlie Grall d'an anaon digwener. Stourmer dizalc'hour evit Breizh, kazetenner ha skrivagner e oa an den eus Kreiz Breizh. Saloñs levrioù Karaez a oa bet krouet gantañ ivez ha prezidant Skoazell Vreizh e oa. En toull-bac'h e oa bet e-pad daou vloaz e fin ar bloavezhioù 70 evit bezañ bet kemeret perzh e unan eus taolioù an FLB. Ha kondaonet e oa bet ivez e 2012 evit bezañ kemeret perzh e afer al laeroñsiñ danvez-tarzh e Plevin. Erwan Chartier, pennkazetenner ar Poc'her, en deus bet anavezet mat anezhañ...

Klevet ho peus Erwan Chartier hag un diell eus Charlie Grall, a oa bet aterset gant hor c'henlabourerez Yael ar Mouel e 2012 diwar-benn e levr « 20 goulenn evit kompren ar goulenn Vreizhad ». Dalc'het e vo e obidoù da 2e goude-merenn e krematoriom Karaez hiziv.

Skeudenn : Skoazell Vreizh