Stanket 'oa an aerborzh 'ba Gwipavaz gant 250 bennaket a implijidi a labour 'ba ti Tilly-Sabco 'ba Gwirliskin, re all 'ba ti Doux, 'ti Gad ha Marien Harvest. Diskouezh o fulor 'blam ma 'zo distrujet ur bouchad plasoù labour d'ar mare mañ: tost 1000 'ba ti Gad 'ba Lambaol-Gwimilio 'benn an devezhioù o tont, war dro da 400 'ba Poullaouen 'pa 'vo serret uzin Marien Harvest da fardañ eog. Fall 'tre ar jeu 'ba ti Tlly Sabco ivez. Stanket an aerborzh neuze, bet 'oa ar vanifestourien war an tarmac 'vit harzhañ ar c'hirri-nij da bradañ ha dibradañ. war un dro 'oa manifestourien all o stankañ pont an hent tizh RN 12 'ba Montroulez. N'eo ket echu. Manifestadegoù all 'zo raktreset 'benn an devezhioù kentañ. Dilennidi 'oa deuet da gemer perzh 'bar vanifestadeg ivez: Ernest Penn 'zo kuzulier kêr 'ba Gwikourvest. Ur reportaj gant Erwan Blanchard 'ba Gwipavaz.