300 a dud oa bodet disadorn da vitin evit monet enep ar raktres sevel ur meingleuz en Arzhanoù. Passabl a dud deus komzet barzh mikro, tud ar c'holektif ha dilennidi ar c'hornad. Tri mil pemp kant (3 500) sinadur zo bet rastellet ha roet d'an den e-karg ag an enklask publik. En Arzhanoù emañ douget ar raktres get an antrepriz Pigeon-Cointeau a-c'houde daou vlez 'zo. En arvar e lakehe ekonomiezh ar vro, yec'hed an dud hag an endro ker e vehe staliet tost-tre doh ar stêr Elle. Fanny Chauffin zo perzh er gevredigezh Elle Vev. Displeg a ra deomp hiroc'h, doh mikro Yaëlle ar Mouel. Betag an 29 a viz Gouel-Mikel e hell an dud embann o soñj en arbenn ag an enklask publik. http://www.wix.com/lavoixdarzano/collectifarzano