Hag adlañset e vo skol-veur ar yaouankiz ?
Ar sizhun dremenet e oa bet aozet, evel bep bloaz abaoe 2021, ur gejadenn etre tud ar brezhoneg ha tud ar gallaoueg, dindan intrudu Kevre Breizh hag asambles gant Emglev Bro Douarnenez. Tud deus ar c’hevredigezhioù, dilennidi, kelennerien, mistri-skol, gopridi an emglevioù-bro int. Ar c’hejadennoù-se a ro tro da gaout ur sell ledan war an darvoudoù diwezhañ, da eskemm ha da ginnig hentennoù preder hag ober evit an dazont. Claudine Perron, prezidantez Kevre Breizh a zo ouzh mikro Laëtitia Fitamant eus Radio Kerne. Ur preder a oa bet kaset war ar yaouankiz ar bloaz-mañ.
Ma fell deoc'h reiñ o ali war skol-veur ar yaouankiz e c'hellit mont e darempred gant Kevre Breizh.
