Kignat an dud mod "Iwerzhoniz"
Kignat an dud mod Iwerzhon ! War greskiñ e ya an doare se da laerezh arc’hant da vare ar vakansoù. War bord an hentoù bras pe ‘ba kreiz kêr e c’hall an nen bout tapet fall ha reiñ sammadoù mat a arc’hant da dud n’anavezer ket. O chom ‘ba bro Brest emañ Yann hag an dichans ‘neus bet bout trubardet gant daou baotr, saoznegerien anezho, ‘pa oa ‘ba kreiz kêr Le Mans. Kontet ‘neus da Erwan Blanchard ar gwall daol zo bet graet dezhañ.
