A-c'houde dilun emañ tolpet tud ar gevredigezh ///Les Ainés Ruraux/// e Gwidel. Kement-mañ en arbenn ag ar c'honkour bouloù savet a-live broadel evit an daouzekvet gwezh. Daet eo tud a-bep korn a Frañs neuze da c'hoari ha da gavout plijadur durant tri devezh. N'eus ket chenjet kement-se an dud a gemera perzh er c'hluboù na bout eo daet an teknologiezhoù nevez barzh o buhez. Nebeutoc'h emaint é kemer perzh met ar pal ketañ zo chomet ur sort : pas ket bout e-unan. Lucien Kerbrat, pevar blez ha pevar-ugent a zo ba klub Komana. Claude Jaouen a zo prezidant klub tud kozh Plouguin. Kant pevar ugent a dud ennoñ.