Derc'hel a ra Atsem-ed an Oriant get o luskad sokial
Atsemed an Oriant a zo é ober harz-labour pep kreisteiz a c’houde pemzek teiz.
Kefridi an implijidi-se, maouezed evit al lodenn vrasañ anezhe, a zo ambroug ar vugale er c’hlas, doc’h taol, ha gober ar c’hempen.
Un emvod o doe bet get dilennidi an ti-kêr teir sizhun 'zo, ha skrivet eo bet get an dilennidi da vinistrerezh ar fonksion publik. Met n’eus diskoulm ebet kavet betek bremañ.
Emaint, Atsemed an Oriant, é klask lakaat o stourm da vrasaat. O anv a vo lakaet gete e kollektif atsemed breizh.
Henoazh eo ar vakañsoù-skol. Un emgav arall a vo get an ti-kêr a-benn an distro-skol.
Dominique Bertrand a zo Atsem e skol divyezhek Ker Nevez en Oriant. Aodren Trehin a zo aet da gejañ doc’hti e-pad ar prantad harz-labour da greisteiz.
