Kinniget e oa bet ar c'heleier gant Erwan Blanchard.

"Treuzell 3" evit treuzkas sevenadur Breizh d'ar re yaouank

Disadorn e oa dalc’het un devezh prezegennoù aozet get ar gevredigezh Kenleur a voda ar c’helc’hioù keltieg, él ma ra Sonerion evit ar bagadoù. Gouestlet e oa an drivet prezegenn anvet Treuzell da brederiañ àr treuzkas ar sevenadur d’ar re yaouank. Treuzel 1 a oa bet e 2011 ha Treuzell 2 e 2018 dija àr-raok. Aodren Trehin a oa bet en Alre d’an darvoud. Kejet he doa ouzh Youena Baron kargadez a gehentiñ, Rozenn Tanniou ezelez ar burev hag e kelc’h Bro Vigoudenn ha Jonathan Ar Genneg kenurzhier an deskadurezh arzel ha sevenadurel.

5 000 skouerenn deus ul levrig-hentañ diwar-benn ar feulsterioù seksist ha seksel

Dasparzhet e vo e parrezioù Kemper Kumuniezh. Savet eo bet evit ober d’an holl bezañ emskiantoc'h war ar feulsterioù-se, hag evit gouzout pelec’h kaout sikour ivez, e Kerne Izel. Ur sokiologourez, Sarah Bellec, Anne Goueroù, karget a gefridioù en ti-kêr ha perzhiadezed ar gomision ‘’Ingalded ha liesseurted’’ o deus savet anezhañ. Anne Gouerou a lavar hiroc'h deomp. Emañ gant Laetitia Fitamant.

Ha da selaou ouzhpenn 'bar c'heleier:

- Disoc'h prosez skoazellerien deputeed Europa a vo embannet hudu

- Muioc'h evit 2 vilion a dud bodet 'ba Istanbul evit souten Imamoglu

- Skoet eo Bro vMyanmar ha Bro dTaïland gant ur c'hrenn douar bras

- Ne fell ket da brezidanted an departamantoù renet gant an tu dehoù paeañ kresk an RSA

- C'hoari a raio merc'hed BBH kard final Champion's League Hand

- Kampionad Bro-C'hall an 10 km he deus gounezet Marie Bouchard eus Brest