Jean-Pierre Bel e penn ar Sened
Kentañ prezidant ar Sened a-gleiz eo, abaoe 1958, penn kentañ ar 5vet republik. Aet eo ar senedour sokialour Jean Pierre Bel e penn ar Sened, gant 179 mouezh en dro gentañ, seizh mouezh muioc'h evit na oa ret. Hag unan ouzhpenn evit an holl vouezhioù a-gleiz. Yannig Botrel zo senedour sokialour en Aodoù an Arvor, lâret 'ra deomp petra eo e santimant. 'Mañ en tren, en ur zistreiñ deus Pariz disadorn da noz. Gant Tudual Karluer.
