Kampionad etrevroadel Back Hold a zo bet e Pondi
Kampionad open back hold a oa e Pondi disadorn. Ur gouren a vro Skos ha norzh Bro Skos an hani eo. Kenweet (entrelacés), get ar balog àr ar skoez hag an daouarn dalc’het er c’hein a-hed an emgann e vez gourenet ar Back Hold, él ma lar anv ar sport hengounel-se.
Marie-Odile Jegouzo ha Lewellin Loxq-Guingeno a zo bet aterset get Aodren Trehin.
Da geñver an disoc’hoù, en holl rummadoù kemmesket, eo aet ar maout get Thomas Stewart Gibson, a Vro Saoz, ha get Anaelle Le Piolet, a Louergad.
Goude bout gourenet asambles o deus ivez hollad ar gourenourion lodennet ur pred kanet e fin an devezh.
Emgav o do ar wezhioù é tonet e Sant-Nolf evit kampionad ar vaouezed an 9 a viz Meurzh, ha da c’houde e vo Kampionad Europa ar gourenoù keltieg e Lokournan an 19 hag an 20 a viz ebrel.
