Embannet eo bet ar c'heleier gant Anton Burel

Aet eo Jo Le Port d'an anaon

Mil vrudet e oa war enezenn Groe ha pelloc’h c’hoazh. Mailys Princé a anaveze mat anezhañ. Kejet he doa outañ p’he deus kroget da ginnig kentelioù brezhoneg e Groe e 2018. Kalz enrolladenn he deus graet gant Jo evit he c'hounskrid war brezhoneg Groe, war an enezenn dre vras, ha c’hoazh war e vuhez.

Ur pennad-kaoz gant Aodren Trehin

Kenstrivadeg Danevelloù e brezhoneg e Kemper

Evit ar pevare gwech e vo aozet ur genstrivadeg danevelloù e brezhoneg gant Ti ar Vro kemper. Digor eo d'an holl rummadoù oad, hag er bloaz-mañ e vez goulennet d'an dud skrivañ war tem « Ar mor bras ». Clélia Steczuk-Ansquer, a labour e Ti ar Vro Kemper, a zispleg deomp hiroc'h war ar genstrivadeg-se.

Ur pennad-kaoz gant Morgane Bramoullé deus Radio Kerne

Ha da glevet er c'heleier:

• Keloù deus Gaza ha Palestina ac'hubet

• War hent ar peoc'h e Kurdistan an Hanternoz ?

• Trec'het eo bet skipailh Brest dec'h... ha disoc'hoù all deus krogadoù prantad dispartiañ lig ar gampioned

• Krogad BBH a enep Metz fenoz