Un tolpadeg 'zo bet aozet en Oriant get Bretagne contre les fermes usines da rein ul lizher d'al lezvarn
Un droiad belo en doe loc’het a Sant-Brieg dimerc’her paset hag a oe erruet en Oriant dirak al lezvarn disadorn da 1 eur d’enderv. Pal an tolpadeg a oe goulenn ma vehe barnet an 12 den a zo bet tapet get ar justis e 2022 p’o doe arestet un tren marc’haouriezh e San-Jeran kostez Pondi. Un obererezh disentiñ keodel an hani e oa evit sevel o mouezh a-enep ar model agro-industriel. Meur a gevredigezhioù a oe daet da harpiñ stourmerezed ha stourmerion Bretagne contre les fermes usines, da skouer ar c’honfederation paysanne pe ar c’holektif Marche contre Bayer-Monsanto.
Aodren Trehin a zo bet da reportajiñ àr blas.
Ur 130 den bennak a oe strollet é tal al lezvarn. Heuliet e vo an afer get hon skipailh da ouiet ma vo respontet d’ar c’hollektif Breizh a-enep an dachennoù-usin.
