Ur weladenn evit dizoloiñ salioù kuzh mediaoueg Kemper
« Nozvezhioù al lenn » a oa aozet el levraouegoù disadorn. Hag evit an degouezh-se e oa bet aozet gweladennoù ispisial gant mediaoueg Alain Gérard e Kemper. Ronan Debel, levraouegour e servij a glad, en doa kaset ur strolladig a-dreuz ar salioù a vez serret boaz d'ar weladennerien. Gallet o doa gweladenniñ da skouer ar salioù a vir al levrioù hag an dielloù kozh...
Klevet ho peus ur reportaj gant Metig Jakez-Vargas. Profet eo bet dielloù Youenn Drezen gant e vab da vediaoueg Kemper evit ma vefe digoret un diviz war e vennozhioù gant istorourien a-bep tu. Embannet en doa e kelaouennoù enep-yuzhev ha gouennelour e-pad an eil Brezel Bed.
