Bec’h a zo tro-dro d’ar raktres skol Diwan en Henbont. Goude daou blezad eskemmoù get an ti-kêr eo bet resevet ul lizher get ar gevredigezh Bugale ar blavezh evit lâret ne vo ket digoret a skol Diwan ar blez-mañ. Ar pal a oe kaout ul lec’h àr ar gumun evit degemer ar vugale. Aodren Trehin a zo aet da gejañ get Maiwenn Kerneis, stourmerez er gevredigezh Bugale ar blavezh, ha get Tifenn Siret, dilennadez ti-kêr get ar skritell UDB.

Bugale ar blavezh a gendalc’ha ur seurt get ar raktres ha da blantañ brezhoneg en henbond get animasionoù a bep seurt : tanva d’ar brezhoneg evit ar vugaligoù, lenn istoerioù er levraoueg, baleadennoù kannet…

Ur fest-noz skoazell a vo aozet gete an 19 a viz ebrel.

Ur galv a zo lañset gete ha get Tifenn Siret evit kaout ul lec’h prevez, ma vefe un dachenn pe ur savadur, gouest da zegemer bugale.