Embannet eo ar c'heleier beure gant Erwan Blanchard

O redek hardi emañ ar grip ar goañv-mañ

Drouk penn, terzhienn, drouk koug, drouk skevent pe c’hoazh kudennoù da analiñ. Setu simptomoù ar grip. Amañ emañ ar c'hleñved ha zoken ar c’hleñved-red ! Lakaet eo e pleustr ar « plan blanc » e kalz ospitalioù en abeg d’ar gwask lakaet war ar sistem yec’hed gant ar grip. E Breizh ez eus un 30 ospital bennak oc’h ober gantañ. Aodren Trehin a zo bet oc’h atersiñ Aourell Guezou-Philippe, medisinourez jeneralist e bro an Oriant evit gouzout hiroc’h war an epidemiezh.

Ur valeadenn evit anavezout gwelloc'h ar bezhin

Disadorn vintin e oa kinniget ur valeadenn bezhin e Molan e traezhenn Trenez. Ar yenijenn n’eus ket digalonekaet an dud da gemer perzh. Aozet e oa gant Johanna Michel, kenurzhierez ti ar Vro Kemperle da geñver Festival Taol-Kurun. Buhezet e oa ar valeadenn gant Lulu Moisan a zo hentaerez natur. Diouzhtu ur reportaj savet gant Aodren Trehin.

Ha da glevout ouzhpenn 'bar c'heleier:

-Teir ostajez izraelian zo bet dieubet gant an Hamas

-Kadoriet e vo Donald Trump prezidant USA hudu

-An AME a vo treuzfeurmet sur eme Bruno Retailleau, ministr diabarzh Frañs

-Un tamm skoazell evit reneveziñ maner Kernaod!

-Saotret eo bet an Trev 'ba Gwengamp e-kerzh an dibenn-sizhun

-Melldroad Lig 1: Aet eo an derbi etre Roazhon ha Brest gant ar re di zefs.

-Tournamant ATP Kemper zo lañset hudu beket disul.