Kinniget eo bet ar c'heleier get Aodren Trehin

Distrujet eo bet ul lodenn vras a Maner Kernod e bro Kemperle disul mintin get ur tan-gwall spontus.

Ur maner ag ar grennamzer eo, a oa bet prenet get departamant Penn-ar-bed e 1990. C'hwec'h vlez ‘zo e oa labourioù eno evit adkempenn ar savadur, hag a oa prest da zigoriñ en dro ar miz-mañ.

Met aet eo al labour-se da netra edan un nebeud munutennoù siwazh. Muioc'h a ditouroù get Nolwenn Le Crann, eilmaerez Mellag ha bez-prezidantez Kemperle Kumuniezh e karg ag ar sevenadur. Nolwenn Le Crann a oa bet aterset get Metig Jakez-Vargas. Departamant Penn-ar-Bed a dapo e karg al labourioù evit adkempenn ar maner. Ne ouier ket c'hoazh petra a zo penn abeg na vefe kroget an tan er maner. Digoret a zo bet un enklask get an archerion.

Kampionad Frañs an dañsoù sinkronizet àr skorn a vo dalc’het e Brest disadorn.

Un arvest ag ar choaz a vo a-benn disul. Aozet eo gant ar c’hleub « Sport et patinage » hag a zo staliet er Rinkla Stadium. Un digarez da lakaat ar gaoz àr ar sport-se get Sarah Malésieux. Ezelez ag ar c’hleub-se eo a-c’houde tost ugent vloaz eo. Eviti eo an dañs sinkronizet àr skorn ur gwir sport. Emañ get Erwan Blanchard. Dañset a vo àr ar skorn met ouzhpenn-se a vo graet. Kenstrivadegoù « sport extrême » a vo dalc’het él an « ice kross » pe salhiat get un tremplin. Dalc’het a vo ar c’henstrivadegoù adalek 7eur mintin disadorn. Padañ a ray ar c’hampionad betek disul da 6 eur noz.

Ha da glevet ivez er c'heleier:

-François Bayrou en deus dibunnet e brezegenn politikerezh hollekdec’h er vodadeg vroadel dirak ar c’hannaded.

-Tost e vehe an Hamas hag Israel da sinañ un harz tan àr-lerc’h 15 miz brezel.

-2 soudard norzh korean a zo be tapet àr an talbenn rusian er rannvro rusad Koursk.

-Kroget eo hiriv an dilennadegoù e kambreier al labour-douar ha padiñ a ray betek an 31 a viz genver.

-Faotiñ a ra da ministr ar justis tolpiñ en un toull-bac’h ar c’hant trafikour drammoù brasañ ag a zo e Frañs.

-Trec’h eo Charlie Dalin get ar Vendée Globe.