Embannet eo ar c'heleier ar beure mañ gant Erwan Blanchard

Kuitaat pe chom war ar rouedad X amañ emañ an dalc'h!

Chom pe guitaat ar rouedad sokial X, bet Twitter ? Kalzig a dud ‘neunt tapet an diviz se met ivez kazetennoù evel Ouest-France, La Vanguardia, The Guardian, ensavadurioù evel "Le Mémorial de Caen", dilennidi zo eus ar strolladou eus an tu kleiz, skolioù-meur evel Roazhon 2, an Naoned, Aix-Marseille pe c’hoazh kleub melldroad Red Star ‘neunt kuitaet ar rouedad sokial. Ur rouedad sokial zo bet prenet gant Elon Musk e miz Here 2022. Elon Musk, an den pinvidikañ, zo ‘bar bed ‘neus soutenet ha dougenet prantad kaballiñ Donald Trump zo bet dilennet prezidant Stadoù-Unaned e miz du tremenet. Met ouzhpenn an dra se ‘neus degaset c’hoant da dud mont da lakaat o anv war Bluesky pe c’hoazh Mastodon: ar chenchamant linenn stur zo bet divizet gant Musk. Displegadennoù gant Yann-Vari ar Brusk, da gentañ… Emañ gant Erwan Blanchard.

Bodad lenn Skol an emsav: levr "Va zammig seizenn ruz" gant Paskal Hervio

Dec’h da noz e Roazhon e oa bet lakaet ar gaoz war al lennegezh vrezhonek. Ur pempzek den bennaket a oa bodet e ti Skol an emsav evit kaozeal diwar-benn al levr "Va zammig seizenn ruz" gant Paskal Hervio. Deuet e oa ar skrivagner evit kaozeal gant e lennerien hag en deus bet plijadur o kaozeal gante ... Emañ gant Paskal Hervio.

Ha da selaou 'bar c'heleier:

• Aet zo ul lodenn eus maner Kernaod gant an tan

• Fondiri Breizh: dav eo d'ar Stad rediañ Renault da souten an uzin zo 'ba Kaodan

• Kinnig a raio François Bayrou e steunv gouarnamant hudu da 3e

• Nav den ouzhpenn 'neunt disklaeriet bout gwallgaset gant an Abbe Pierre

• Tost e vefe Izrael hag an Hamas sinañ un harz an tan

• Ret eo skanvaat ar c'hastizou ouzh Siria!

• Vendée Globe: Charlie Dalin en em gavo e plas kentañ

• Kip Bro-C'hall melldroad: War Raok Gwengamp a degemero FC Sochaux fenoz