Kinniget eo bet ar c'heleier get Aodren Trehin

Ur raktres parkad tourioù-avel nevez a zo àr ar stern e Aodoù-an-Arvor, e Sant-Trefin.

Ur bochad tourioù-avel a zo bet plantet, peotramant a vo plantet, er vro. N’eo ket krog c’hoazh an enklask publik evit parkad St-Trefin, met studiet eo bet an doser get Aotrouniezh an endro, a-benn gwelet peseurt efedoù en do ar raktres àr an dud hag an endro. Hiroc’h a vo lâret get Gwenvael Delanoe Ar Berr.

Kazimant 6 devezh-arat douaroù a vo artifisializaet evit staliañ an tourioù-avel e Landiles. Ha hervez Aotrouniezh an endro eo kudennek ar raktres evit an evned hag al logod-dall é vevañ er vro.

Kudennoù argantaouiñ a zo get Dastum

Start eo an traoù ar mare-mañ e bed ar c’hevredigezhioù, a gaoz d’an digresk a yalc’hadoù. Get Dastum ivez eo arrivet treut ar geusteurenn. A-benn daou pe dri blez e c’hallay bout lakaet en arvar. Ha da heul, lakaet en arvar an teñzor poblek a vez meret geti. Sed aze ur ger lâret gant Ronan Gueblez, prezidant Dastum. Emañ doc’h mikro Gwenvael Delanoe Ar Berr.

Ma faota deoc’h reiñ harp d’ar gevredigezh hag a vir kementadoù bras a enrolladennoù tud ar vro, kerzhit àr lec’hienn internet Dastum.bzh, er rann «  Fond de dotation ». Peotramant kasit ur chekenn da Dastum, 29 bis straed la Donelière, e Roazhon.

Ha da glevet ivez er c'heleier:

-10 vlez gwalldaol Charlie Hebdo

-Kroget eo prosez Nicolas Sarkozy e afer argantaouiñ e gabal e 2007 get Kadhafi

-Rediet eo bremañ an embregerezhioù edan 50 goprad ranniñ ar spletoù gete