Ouzhpenn 'bloaz zo e kroget ar ouennlazh e Palestina. Dekmiliadoù a balestinained a zo bet lazhet abaoe penn kentañ ar brezel ha kenderc'hel a ra Israel da vombezenniñ bandenn Gaza daoust da ali ar Broadoù Unanet da skouer. Met daoust da bep tra ivez e kendalc'h strolladaoù lec'hel d'en em aozañ e pep korn ar bed evit klask lakaat un harz d'ar ouennlazh. Ur strollad nevez a zo bet krouet e bro Kemperle e miz Here. Aozañ a raio un tolpadeg 'benn disadorn. Selaouomp Fanny Chauffin, unan eus izili ar strollad a zispleg deomp perak e c'halvont an dud d'en em vodañ.

Fanny Chauffin eus ar strollad « Palestin Liban Kerne Izel » a oa ouzh mikro Metig Jakez-Vargas. Da 11e e vo ar vodadeg disadorn e Kemperle plasenn Charles de Gaulle evit souten ar balestinianed ha poblañs Liban. Gallout a rit kavout muioc'h a ditouroù war pajenn facebook ar strollad « Palestine-Liban Sud Cornouaille ».