Embannet eo bet ar c'heleier gant Anton Burel

Ur c'henstroll nevez evit souten Pobl Balestina ha Liban e Kemperle

Ouzhpenn 'bloaz zo bremañ e kroget ar ouennlazh e Palestina. Dekmiliadoù a balestinianed a zo bet lazhet abaoe penn kentañ ar brezel ha kenderc'hel a ra Israel da vombezenniñ bandenn Gaza daoust da ali ar Broadoù Unanet da skouer. Met daoust da bep tra ivez e kendalc'h strolladoù lec'hel d'en em aozañ e pep korn ar bed evit klask lakaat un harz d'ar ouennlazh. Ur strollad nevez a zo bet krouet e bro Kemperle e miz Here. Aozañ a raio un tolpadeg 'benn disadorn. Selaouomp Fanny Chauffin, unan eus izili ar strollad a zispleg deomp perak e c'halvont an dud d'en em vodañ.

Ur pennad-kaoz gant Metig Jakez-Vargas

Roet zo bet ur priz da Vikael Bodlore-Penlaez evit e labour war Eurominority

En diskar-amzer e oa bet priziet labour an douaroniour Mikael Bodlore-Penlaez er festival Suns. Ar sonerezh e yezhoù minorelaet a vez lakaet war-wel er festival-se, e bro Frioul, e Italia. Met ur priz ispisial a oa bet resevet gant ur breizhad eno, Mikael-Bodlore-Penlaez, evit e lec'hienn « Eurominority ». Ouzhpenn 20 vloaz 'zo e oa bet krouet al lec'hienn-se gantañ. Titouroù a bep seurt a gaver enni, diwar-benn ar minorelezhioù european. Un hir a labour boulc'het a-youl vat gantañ...

Ur pennad-kaoz gant Metig Jakez-Vargas

Da selaou ouzhpenn er c'heleier:

• Keloù deus ar brezel etre Russia hag Ukraina

• Disoc'hoù deus ar gelc'hwidenn Chido e Mayotte

• Ar pap Frañsez e Korsika

• Krogadoù melldroad an dibenn-sizhun