Votet eo bet al lezenn evit reoliañ al lojeiz berr dermen 'giz Airbnb er vodadeg vroadel d'ar 7 a viz Du.

Gortozet bras e oa gant ar gevredigezh Alda, a stourma kreñv evit ar gwir d’em lojiñ e Bro Euskadi. Abaoe ur bloaz hanter dija e oa kroget an tabutoù politikel war ar sujed. Kemeret o deus perzh izili Alda da sevel al lezenn. Klevet int bet gant ar c’hannaded o deus tennet splet ag o skiant-prenet war an dachenn.

Aodren Trehin a zo aet e darempred gant Xebax Christy, mouezh aotreet Alda. Kontañ a ra deomp petra eo ali ar gevredigezh war al lezenn en e stumm bet votet. Laouen eo dre vras gant al lezenn reoliañ al lojeiz berr dermen. Met 'giz m’en deus displeget da Aodren, e vo bremañ ret diwall ma vehe doujet diouti. Ha chanterioù all a zo gante ouzhpenn da Airbnb. Da skouer war tem an eil lojeiz, ar feurmoù maez-lezenn pe c’hoazh al lojeiz sokial. Kontañ a reont war ur skipailh gopridi hag ivez dreist-holl war ar mil ezel a zo er gevredigezh evit kenderc’hel gant ar stourm. « Asambles e vezomp trec’h » a zo just a-walc’h lugan Alda.