E 2025 e vo difennet pesketa an eoged 'ba Breizh!
Keleier fall zo evit ar besketourien eoged ‘ba Breizh. Embannet eo nevez zo gant prefed ar rannvro ha komite merañ ar pesketa pesked a ya ha da, ‘vo ket aotreet da besketa eoged adalek 2025 e-pad ur bloaz da nebeutañ. Ral eo deuet da vezañ an eoged ‘ba stêrioù ar vro m’eo istorel ha sevenadurel ar pesketa eoged. Evit pesketourien Breizh n’eo ket an diskoulm gwellañ serriñ ar pesketa. N’eo ket ‘ba Breizh ha war vord ar stêrioù emañ an dalc’h. Selaouomp displegadennoù Gael Le Moulec a zo ezel eus AAPPMA Montroulez, kevredigezh ar besketourien. Emañ gant Erwan Blanchard.
