Evit Anne Jaffret eo un huñvre e yafe Stade Brestois da c'hoari ouzh ar Barça!
Barça-Brest ! Sed aze 5vet krogad Champion’s League ‘vo c’hoariet gant skipailh melldroad Bro-Leon fenoz. Ur c’hrogad vo sellet outañ gant ur bern harperien gant plijadur. Sonjit ‘ta skipailh Brest ‘vo war dachenn unan eus kleuboù brasañ zo er bed. An holl drofeoù ‘neunt gounezet katalaniz : 5 gwech ar Champion’s League, 3 gwech kampionad ar bed ar c’hleuboù pe c’hoazh 27 gwech kampionad Bro-Spagn. Gant hast warni emañ Anne Jaffret o c’hortoz sellout ouzh an darvoud ‘vo dalc’het fenoz, homañ diwezhañ o vezañ unan eus an harperien goshañ Stade Brestois gant he zek vloaz ha pevar-ugent… Komanset ‘noa da vont da welout ar re ruz ha gwenn e 1950… Un tamm istor gant Anne Jaffret zo gant Erwan Blanchard.
