8 000 den 'neunt kemeret perzh 'ba redadegoù Kastel-Pol- Montroulez
Muioc’h evit 8000 rederez ha reder ‘oa war an hent etre Kastel-Pol ha Montroulez disul ! Gant an hanter varatoñs mil vrudet hag ar c’hours 10 kilometrad etre Taole ha Montroulez ‘oa ar milieroù a dud se. Ur gwir pardon eo evit lod ar sportourezed ha eus ar sportourien sur deoc’h. War al linenn loc’hañ, ‘ba Kastel, ‘oa Brendan. Ma oa ar wech kentañ dezhañ galoupat an hanter varatoñs… ‘oa ket ar wech kentañ dezhañ kemer perzh ‘ba Kastel Pol-Montroulez…
Ur reportaj gant Erwan Blanchard ‘neus bet tro da enrollat Brendan Simon, Veronique Le Meur, Aline Folgalvez hag Alan Konk… da genver ar c’hours Kastel-Pol-Montroulez.
